COVALIMA, 26 jullu 2021 (TATOLI)-Hahú janeiru to’o jullu 2021, ospitál referral (HR, sigla portugés) Covalima rejista númeru moras Infesaun Respiratória Alta (IRA) as ho total pasiente 703.
“Bazeia ba konsulta jerál, ami rejista moras IRA mak domina, ami rejista 703 hosi númeru ne’e labarik 411 no adultu 292,” Diretór HR-Covalima, José M. Ferreira ba jornalista iha nia kna’ar fatin, segunda ne’e.
José M Ferreira hateten HR-Covalima mós rejista moras seluk, maibé ho númeru ki’ik bainhira kompara karik ho moras IRA.
Moras sira seluk hanesan labarik sofre estómagu 97, isin-manas 56, isin-katar 445. Aleinde, rejista moras ba adultu sira hanesan sofre estómagu 175, ipertensia 115, infesaun urine 77
Pesoál saúde ne’ebé servisu iha HR- Covalima hamutuk 117, médiku espesialista na’in hat (4) no médiku estranjeiru hosi Cuba na’in-10
Jornalista : Celestina Teles
Editór : Francisco Simões
