Prezidente FFTL, Francisco Jerónimo. Imajen TATOLI/Francisco Sony

DILI, 26 jullu 2021 (TATOLI) –Prezidente Federasaun Futeból Timor – Leste (FFTL), Francisco Jerónimo, nia mandatu sei termina iha 2022, maske nune’e nia deklara katak nia sei re-kandidata ba periodu mandatu tuir mai 2022-2026.

Notísia Relevante : Kada tinan FFTL simu fundu millaun $1-resin hosi organizasaun futeból

Francisco Jerónimo nia re-kandidata ne’e baze mós ba estatuta FFTL ne’ebé fó biban ba ezekituvu FFTL bele asume kargu másimu iha FFTL to’o mandatu datoluk.

“Ha’u deklara katak, sei re-kandidata an nafatin ba Prezidente FFTL 2022-2026,”  hateten Francisco Jerónimo, atuál Ministru Asuntu Parlamentár no Komunikasaun Sosiál (MAPKOMS) iha Dili, foin lalais ne’e.

“Iha ha’u nia lideransa, hakarak futeból ne’e ema hotu nian, lori futeból ba baze, servisu hamutuk ho Governu hodi dezenvolve iha Juveníl no kria liga iha munisípiu sira no iha nasionál, ida ne’e mak ita halo iha tinan rua ba kotuk,” nia hateten.

Durante mandatu tinan haat (4) estrutura ne’ebé lidera hosi Francisco Jerónimo konsege realiza eventu futeból iha munisipiu, Liga Feto Timor (LFT), kopa FFTL, apoiu orsamentu ba Liga Futeból Timor-Leste (LFTL), hadi’a fallansu sira administrasaun nian iha FFTL, realize formasaun oi-oin ba Treinadór futeból feto hetan ona lisensa C no mane hetan ona lisensa B.

Alende ne’e, apoiu treinamentu arbitrajen iha munisípiu sira no Dili, no apoiu orsamentu kada fulan $1000.00 ba asosiasaun munisípiu sira ba re-ativa servisu administrasaun nian.

Francisco Jerónimo eleitu ba Prezidente FFTL iha 20218  liuhosi kongresu nasionál. Iha ne’ebé halakon Osorio Florindo liuhosi votasaun sekretu hosi asosiasaun futeból 17 hodi troka Francisco Kalbuadi Lay.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here