Ministra Saúde, Odete Maria Freitas Belo, halo lansamentu vasina nasionál iha Covalima, kinta (22/07/2021). Imajen Tatoli/Celestina Teles

COVALIMA, 22  jullu 2021 (TATOLI)-Ministériu Saúde halo lansamentu daruak Planu Estratéjika Nasionál Setór  Saúde (PENSS) 2011-2030, relatóriu atividade Ministériu Saúde  2020 no kampaña konjunta munisipál vasinasaun COVID-19.

Notísia Relevante : MS sei lansa kampaña konjunta munisipál vasinasaun COVID-19

“Relatóriu 2020 nian iha tempu ne’ebé ami prepara hela nia planu estratéjika 2011 -2030 diretór sira mós prepara ona  servisu ne’ebé mak ami hala’o iha 2020,”  Ministra Saúde, Odete Maria Freitas Belo, informa ba jornalista sira iha Camanasa, Covalima, kinta ne’e.

MS hakarak lansa relatóriu ne’e tanba  MS la’ós servisu mesak maibé ho parseiru sira,  haree ba planu estratéjiku, livru ida ne’e sai matadalan ba MS.

Xefe Suku Suai Loro, Martinho  Mendonça, agradese  ba Ministériu saúde (MS) hodi halo lansamentu vasinasaun nasionál  iha Munisípiu Covalima.

“Ami prontu atu fasilita komunidade sira  vasina hodi hasa’e imunidade konta COVID-19,” Martinho Mendonça hateten.

Suku Suai Loro iha komunidade  600 mak simu ona vasina , maibé balun seidauk simu,  nune’e autoridade lokál kontinua esforsu hosi fahe informasaun ba komunidade nune’e sira bele vasina.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here