Vise-Ministru Saúde, Bonifácio Maucoli dos Reis, ho reprezentante Administradór Munisípiu Covalima, halo abertura ba programa desportiva hodi komemora loron nasionál saúde ba dala-lima iha Munisípiu Covalima, kuarta (21/07/2021). Imajen Tatoli/Celestina Teles

COVALIMA, 21 jullu 2021 (TATOLI)-Ministra Saúde, Odete Maria Freitas Belo ho nia delegasaun Ministériu Saúde,  kuarta ne’e, kontinua selebra loron nasionál saúde ba dala-lima iha Munisípiu Covalima ho atividade ba ohin nian maka atividade desportiva ho marxa saudavel.

“Ba selebrasaun loron nasionál saúde nian, ami inklui mós atividade divertimentu, maibé atividade ne’e envolve ema barak no la garante distánsia fíziku, tanba ne’e atividade ne’e kansela no avansa ho atividade seluk maka hanesan marxa saudavel ho atividade desportiva no konsulta jerál,” Ministra Odete Maria Freitas Belo, informa  ba jornalista sira iha Covalima.

Atividade desportiva ne’e hala’o abertura hosi Vise-Ministru Saúde,  Bonifácio Maucoli dos Reis no reprezentante administradór Munisípiu Covalima Afonso Nugueira Nahak.

“Ita nafatin mantein ita-nia protokolu ne’ebé mak iha inklui halo vasinasaun ba prevensaun Covid-19 no hala’o mós atividade ka servisu seluk tan,” Ministra Odete Maria Freitas Belo hateten.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here