Membru CPD-RDTL konsentra iha Tribunál Distritál Dili hodi solidariza ho António Aitahan Matak ne'ebé ba hatan iha TDD. Imajen Tatoli/Dok.António Gonçalves

COVALIMA, 19 jullu 2021 (TATOLI) –Komandante Polísia Nasionál Timor-Leste (PNTL) Munisípiu Covalima, António Maria de Sá, fó sai ona deklarasaun hodi la autoriza organizasaun CPD-RDTL FRETILIN Movimentu, Unijam ativista pro RDTL atu hasa’e bandeira RDTL iha territóriu Munisípiu Covalima.

Refere ba orientasaun Komandante Polísia Covalima nian ne’e,  porta-voz CPD-RDTL Covalima, Rosalino Cardoso, segunda ne’e, liuhosi konferénsia imprensa, husu ba PNTL atu labele impede programa CPD-RDTL atu hasa’e bandeira iha territóriu Covalima.

Ami husu ba  maluk polísia sira nia patriotizmu no nasionalizmu  di’ak liu koopera ho Tribunál hakru’uk ba desizaun hodi la bele impede programa CPD-RDTL FRETILIN Movimentu  Unijma ativista Pro RDTL, atu hasa’e bandeira iha territóriu Covalima,” Rosalino Cardoso afirma.

Programa CPD-RDTL  FRETILIN Movimentu Unijma atu hasa’e bandeira iha territóriu Covalima relasiona selebrasaun  loron FALINTIL,  20 agostu, tinan ne’e. tanba ne’e, sira hotu atu PNTL atu  bele garante seguransa ba komunidade sira la’ós bandu fali serimónia hasae bandeira hodi komemora loron istóriku FALINTIL nian iha Covalima.

Jornalista       : Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here