Ambulánsia 11 no karreta operasionál ualu ne’ebé oferese hosi Banku Mundiál. Imajen Tatoli/Felicidade Ximenes.

COVALIMA, 16 jullu 2021 (TATOLI)-  Sentru Saúde Fatululik, Munisípiu Covalima, laiha  karreta ambulánsia hodi transporta  pasiente mai iha ospitál referral Covalima.

“Ami  nia difikuldade kona-bá  ambulánsia bainhira pasiente moras atu transporta ami tenke halo kontaktu iha munisípiu hosi atende maibé haree kondisaun estrada ne’ebé at difikulta tebes ba ami,” Xefe Sentru Saúde Postu Fatululik, José da Cruz ba Agência Tatoli iha Fatululik, sesta ne’e.

Maske hasoru difikuldade laiha ambulánsia,  maibé xefe sentru saúde kontinua buka meiu hodi kontaktu ambulánsia iha munisipál hodi evakua pasiente moras ba iha ospitál referral Covalima.

Iha sorin seluk, Diretór Servisu Saúde Munisípiu Covalima, Filipe Pereira Lemos, rekoñese sentru saúde Fatululik laiha ambulánsia. Tanba ne’e  ambulánsia iha sentru saúde Maucatar mak sei transporta pasiente iha sentru saúde Fatululik mai iha ba ospitál referral Covalima.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here