Dollar Austrália. Imajen/Wikipedia

DILI, 10 jullu 2021 (TATOLI)– Governu Austrália liuhosi sira-nia embaixada iha Timor-Leste apoiu orsamentu tokon A$80 mai Timor-Leste hodi apoia programa PARTISIPA ho nia alvu bá dezenvolventu suku no administrasaun munisípiu.

Iha sesta horiseik, Ministru Administrasaun Estatál (MAE), Miguel Pereira de Carvalho ho Embaixadór Austrália mai Timor-Leste, Peter Roberts,  asina ona akordu ba programa PARTISIPA ho apoiu orsamentu tokon A$80 hodi haforsa
dezenvolvimentu suku no administrasaun munisípiu ba tinan-10.

“Eventu asina akordu ne’e ba arrendamentu subsidiáriu ba programa PARTISIPA reprezenta Austrália nia komprometidu liután ho osan A$80 hodi apoia estimula ba atividade ekonomia lokál, hodi harii no reabilita infraestrutura krítiku sira hanesan sistema bee iha suku, estrada, ponte, eskola no klínika saúde sira,” Embaixadór Peter Roberts, hatete, liuhosi komunikadu imprensa  ne’ebé Agência Tatoli asesu, sábadu.

Embaixadór Austrália hatutan Timor-Leste nia Programa Nasionál Dezenvolvimentu Suku (PNDS) ne’ebé lidera husi komunidade sira no mós hala’o serbisu ho munisípiu sira hodi hadi’ak prontidaun serbisu no mantein infraestrutura, liuliu ba sistema bee iha área rurál.

Nia dehan, sei aumenta ba iha arranjamentu ne’e no investe ona osan extra ho totál tokon A$17 (kuaze tokon $12,7) diretamente ba Programa Nasionál Dezenvolvimentu Suku (PNDS) hodi tulun rekuperasaun ekonómiku hosi COVID-19.

Ho kontribuisaun ida-ne’e, PNDS nia projetu 165 sei kompleta tinan ida ne’e no hosi ne’e suku 244 mak hetan benefísiu ba tinan rua tuir mai. Ponte no sistema udan-been iha Bidau inaugura ona nu’udar parte ba serimónia ne’ebé mak hetan apoia finanseiru husi Austrália.

Komunidade Ana dos Santos hateten, sistema udan-been ne’e redús impaktu negativu sira hosi inundasaun
foin daudauk iha tempu Páskua.

“Ami -nia komunidade sofre maka’as durante tempu udan 04 abríl liubá ne’e. Ami presiza atu halo estrada
no sistema drenajen ida-ne’e ho subsídiu PNDS hosi Austrália iha janeiru 2021. Ida-ne’e desizaun
di’ak ida. Sistema ne’e salva ami-nia komunidade hosi sortimentu barak hasoru inundasaun foin lalais ne’e,”  nia hateten.

Jornalista   : Osória Marques

Editór        : Francisco Simões

HAKEREK NO HATÁN

Please enter your comment!
Please enter your name here