Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo. Imajen TATOLI/António Gonçalves.

DILI, 09 jullu 2021 (TATOLI)-Ministru ba Asuntu Parlamentár no Komunikasaun Sosiál (MAPCOMS-sigla portugés), Francisco Jerónimo, sesta ne’e, halo diseminasaun informasaun kona-ba “sosializasaun ba Instalasaun Sistema Digital Transmissão Multimédia Terrestre ka dijitál Rádiu Televizaun Timor-Leste, Empreza Públika (RTTL, E.P)” ba komunidade iha Postu Administrativu Laulara, Munisípiu Aileu.

MAPCOMS hala’o sosializasaun ne’e tanba MAPCOMS iha papél importante tebes iha área komunikasaun sosiál ne’ebé aposta iha prioridade MAPCOMS nian, hanesan Dijitaliza Sistema iha Rádiu  no Televizaun Timor-Leste, Empreza Públika, ho nune’e liuhosi Projetu Digital Terrestrial Multimedia Broadcasting (DTMB) hanesan meiu ida hodi hasa’e kualidade fornesimentu transmisaun ba públiku.

Projetu ne’e realiza tanba akordu kooperasaun entre Governu Timor-Leste ho Governu Xina no implementa iha RTTL,E.P.

Atividade sosializasaun ba Instalasaun Sistema Digital Transmissão Multimedia Terrestre ka dijitál Rádiu Televizaun Timor-Leste, Empreza Públika (RTTL, E.P) refere sei hala’o iha Postu Administrativu Laulara, Munisípiu Aileu,

Atividade sosializasaun ba Instalasaun Sistema Digital Transmissão Multimedia Terrestre ka dijitál Rádiu Televizaun Timor-Leste, Empreza Públika (RTTL, E.P) sei hala’o iha Postu Administrativu Laulara, Munisípiu Aileu, no partisipante sira ne’ebé hola parte iha atividade ne’e mak Ministru ba Asuntu Parlamentár no Komunikasaun Sosiál, Prezidente RTTL, E.P, Prezidente Tatoli.IP, Komandante Polísia Nasionál Timor-Leste (PNTL) Munisípiu Aileu, Administradór Aileu no entidade relevante sira seluk tan.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here