Komandante Jerál PNTL, ofisiálmente halo lansamentu taka viñeta ba transporte sira Indonézia na’in ne’ebé tama mai Timor-Leste iha fronteira terrestre Batugade, Bobonaro, hodi hahú selu impostu. Imajen/foti hosi Facebook

COVALIMA, 08 jullu 2021 (TATOLI) -Polísia Nasionál Timor-Leste (PNTL) liuhosi   Diresaun Tránzitu Servisu Rodoviáriu  (DTSRN) hamutuk ho Autoridade Aduaneira (AA/Alfándega), kuarta (07/07), hala’o lansamentu taka viñeta ba transporte-sira ne’ebé halo movimentu iha liña fronteira terrestre Salele, Covalima.

 “Viñeta ne’e hodi kontrola movimentu  transporte iha fronteira. Molok ne’e ita lá kobra impostu, maibé ba oin movimentu transporte iha fronteira mai hosi nasaun Indonézia tenke selu impostu ba Estadu,” Adjuntu Diretór DTSRN Covalima, Inácio Freitas hateten.

Tipu selu impostu ba veíkulu ho motorizada, durante oras 24 selu $2,00 no durante loron rua selu $3,00,  loron tolu selu $5,00 , loron haat selu $7.00,  loron lima  selu $15,00.

Ba karreta pezadu sira loron ida selu $5,00, loron rua selu $7,00, loron tolu selu $10,00, loron haat $20,00 no loron lima selu $30,00.

Individuál sira viola regra ba karreta ho motorizada selu $50,00 to’o $200,00 ba kompañia $500,00 to’o $20,000 ba karreta ne’ebé individual selu ba impostu $50,00 to’o 1.000,00 ba kompañia selu 1.000,00 to’o 30.000,00.

Diretór Autoridade Aduaneira Covalima, Nuno Nugueira, agradese ba servisu hamutuk ho PNTL hodi taka stiker ba transporte iha fronteira ho razaun atu bele koleta reseita ba Estadu.

“Presiza halo sensibilizasaun hodi informa ba jestór Postu Integradu hodi fó seguru ba instituisaun iha  fronteira no ba emprezáriu,” Nuno Nugueira  hateten.

Jornalista   : Celestina Teles

Editór         : Francisco Simões

1 KOMENTÁRIU

  1. IMPORTANTE TEBES BA COVER ESTADU ITA NIA, MAIS ITA NIA TRANSPORTE MOTOR HO KARETA MOS TRNKI TAMA BA SIRA NIA NASAUN, MAIS TENKI IHA KARTA HUSI DNTT HO DOKUMENTUS NEBE KOMPLETU 🙏🙏🙏🇹🇱🇹🇱🇹🇱🇵🇱🇵🇱🇵🇱

HAKEREK NO HATÁN

Please enter your comment!
Please enter your name here