iklan

COVALIMA, MUNISÍPIU

MSSI distribui foos ba família vulneravel 216 iha Kamenasa

MSSI distribui foos ba família vulneravel 216 iha  Kamenasa

Foos ne’ebé rai iha CLN atu distribui ba família vulneravél. Imajen Tatoli/Egas Cristóvão

COVALIMA, 07 jullu 2021 (TATOLI)-Ministériu Solidariedade Sosiál no Inkluzaun (MSSI) Munisípiu Covalima hamutuk ho Administradór Munisípiu Covalima, kuarta ne’e, distribui foos ba família vulneravel hamutuk 216 iha Suku Kamenasa, Munisípiu Covalima.

Diretór Interinu MSSI Covalima, Ildefonso da Costa, informa apoiu ne’e bazeia ba proposta hosi Administradór Munisípiu Covalima kona-bá  família vulneravel 216 ne’ebé presiza tebes ai-han iha situasaun ne’e.

Molok ne’e, MSSI distribui ona foos ba família vulneravel iha Postu Administrativu Fohorem hamutuk 376.

Administradór Munisípiu Covalima, Francisco Andrade, informa apoiu ba família vulneravel sira ne’e baze mós ba relatóriu hosi xefe aldeia ho xefe suku-sira.

Xefe Suku Kamenasa, Samuel Barros, agradese  ba Governu liuhosi MSSI ne’ebé distribui ona foos ba família vulneravel sira.

“Durante pandemia COVID-19 afeta ba ami nia komunidade ne’ebé halo ami-nia komunidade sira labele fila-liman, nune’e  afeta ba ita-nia ekonomia. Maske kuantidade la boot maibé haree ba nia kualidade boot tebes,” Samuel Barros.

Jornalista       : Celestina Teles

Editór             : Francisco Simões 

iklan
iklan

Leave a Reply

iklan
error: Content is protected !!