Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (07/07). Imajen TATOLI/Egas Cristóvão

DILI, 07 jullu 2021 (TATOLI)–Governu liuhosi reuniaun Konsellu Ministru (KM) delibera no aprova Projetu Rezolusaun Governu, hodi hakotu Serka Sanitária iha munisípiu Baucau no kontinua impoin iha Dili ba loron hitu tan, hahú ohin to’o 14 jullu.

Tuir Ministru Prezidénsia Konsellu Ministru, Fidelis Manuel Leite Magalhães, desizaun ne’e ezekutivu sira foti hafoin halo análiza ba aprezentasaun hosi Sala Situasaun, Sentru Integradu Jestaun Krize (CIGC, sigla portugés), kona-ba pontu situasaun epidemiolójika nasionál.

“Ho kontinua impoin Serka Sanitária iha Dili, bandu nafatin sirkulasaun ema sira-nian entre munisípiu Dili no sirkunskrisaun administrativa sira seluk, exetu iha kazu hirak ne’ebé ninia fundamentu forte tanba razaun seguransa públika, saúde públika, asisténsia umanitária, manutensaun sistema abastesimentu públiku ka razaun seluk ne’ebé presiza atu hala’o ba interese públiku,” Ministru relata hafoin reuniaun ezekutivu iha Palásiu Governu, kuarta ne’e.

Notísia relevante: Governu mantein Serka Sanitária Baucau-Dili to’o aban

Nune’e, proibisaun sirkulasaun ne’e la abranje ba ema ne’ebé komprova ona vasinasaun kompleta ka doze rua kontra COVID-19 no labarik sira tinan neen mai kraik.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here