Ekipa tékniku Operasaun no Manutensaun BTL, E.P halo melloramentu ligasaun bee-moos iha Dili, 17 juñu 2021. Imajen/BTL,E.P

DILI, 07 jullu 2021 (TATOLI)-Diretór Bee Timor-Leste, Empreza Publika (BTL,E.P) Munisípiu Lautem, José Pires informa, 74% komunidade iha Munisípiu Lautem asesu ona ba bee-moos ho sufisiente.

“Ita-nia komunidade ne’ebé seidauk asesu bee-moos ho sufisiente ne’e hamutuk 25,65%,” José Pires, informa ba Agência Tatoli liuhosi telefónika, kuarta ne’e.

Nia afirma, iha Munisípiu Lautem Postu Administrativu lima kuaze komunidade asesu hotu bee-moos, maibé balu ne’ebé seidauk asesu ho sufisiente ne’e tanba maioria hela dook hosi bee-matan.

Komunidade 25,65% ne’ebé seidauk asesu bee-moos ho sufisiente mak hanesan, Lautem 1%, Tutuala (3,17%), Iliomar (30,6%) no Postu Administrativu Luro  (56%).

Munisípiu Lautem iha planu ba 2022 atu tau orsamentu atu bele kanaliza bee-moos ba komunidade hotu ne’ebé seidauk sufisiente bee-moos ho sufisiente.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here