DILI, 05 jullu 2021 (TATOLI)–Diretór Jerál Peska hosi Ministériu Agrikultura no Peskas (MAP), Acacio Guterres, informa, iha tinan 2018 Timor-Leste lakon ona ikan tonelada 223.
“Iha tinan 2018 ita lakon ikan barak, tanba ró peska ilegál hamutuk unidade 107 mak tama tasi Timór, ita lakon ikan tonelada 223 ne’ebé ita konverte ba osan karik kuaze millaun $1,” Diretór Jerál Peska informa ba Agência TATOLI, via telefónika, segunda ne’e.
Enkuantu, iha tinan 2019, MAP identifika ró unidade 67 unidade maka tama halo atividade peska ilegál.
“Momentu ne’ebá, ikan ne’ebé lakon hamutuk tonelada 100 resin, ne’ebé konverte ba osan hamutuk $800.000 resin maka lakon.
Maski nune’e, MAP kontinua kolabora ho komponente Navál no Polísia Marítima atu kontinua kontrola iha tasi.
Jornalista : Natalino Costa
Editora : Julia Chatarina
