UNTL fó pose ba Vise-Reitór asuntu Pos-Gradusaun i Pesquiza, Profesor Doitór, Afonson de Almeida. Iha Audiotium Liseiu, sexta (02/07). Imajen Tatoli/Francisco Sony

DILI, 02 jullu 2021 (TATOLI)-Magnífiku Reitór Universidade Nasionál Timor Lorosa’e (UNTL), João Soares Martins, sesta ne’e, ofisializa Afonso de Almeida liuhosi serimónia posse nu’udar Vise-Reitór asuntu post-graduasaun no peskiza iha UNTL.

Afonso de Almeida, troka hikas Vise-Reitór sesante matebian Gabriel António de Sá. Ho nune’e, Afonso de Almeida, hato’o agradesementu ba konfiansa ne’ebé UNTL fó bá nia atu tau matan bá asuntu post-graduasaun no peskiza, tanba responsabilidade ne’e nu’udar onra ida maibé mós sai responsabilidade boot ba nia.

“Ha’u iha kompromisu ida de’it, buka atu halo uluk bá ita nian, depois mak ema sei halo bá ita, buka halo uluk bá UNTL depois mak ema seluk sei halo bá UNTL,” Afonso de Almeida hateten.

Serbisu boot tebes ba Afonso de Almeida maka ordena fila-fali kursu mestradu iha universidade estatál ne’e.

Iha fatin hanesan Magnífiku Reitór UNTL, João Soares Martins, agradese bá Vise-Reitór Afonso de Almeida ho disponibilidade hamutuk ho UNTL hakarak lori universidade ne’e hetan progresu iha futuru.

Liuhosi serimónia posse ne’e, diretór Jerál Ensinu Superiór no Siénsia, Ministériu Ensinu Superiór, Siénsia  no Kultura (MESSK), Maria Filomena Lay, afirmaMESSK iha kompromisu atu kontinua fó nafatin apoiu bá Instituisaun Ensinu Superiór Públiku Privadu sira maibé husu bá UNTL atu hadi’a estrutura ho didi’ak hodi bele hetan susesu.

“Ha’u mós husu bá Vise-Reitór asuntu post-graduasaun ne’ebé hakarak dedika ninia tempu iha UNTL durante tinan lima nia laran atu ajuda apoiu estrutura tomak iha UNTL hodi lori Instituisaun Ensinu Superiór Públiku ne’e hetan ninia progresu,” Maria Filomena Lay hateten.

Serimónia pose ne’e rasik hetan partisipasaun hosi Diretora Jerál Ensinu Superiór no Siénsia, Prezidente Komisaun Funsaun Públiku, Diretora ezekutiva Fundus Dezenvolvimentu Kapitál Humano (FDCH), Magnífiku Reitór UNTL, Vise-Reitór-sira, dekanu-sira. no korpu dosente UNTL nian.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here