Diretór STAE Munisípiu Covalima, Claudio Cardoso. Imajen Tatoli/Celestina Teles

COVALIMA, 01 jullu 2021 (TATOLI)-Sekretariadu Tékniku Administrasaun Eleitorál (STAE) Munisípiu Covalima, kinta ne’e,  hala’o lansamentu resentimentu eleitorál atualizasaun baze  dadus (REABD).

Ami hala’o lansamentu  númeru resenseamentu eleitorál ba sidadaun ne’ebé atinje tinan 16 ba leten ne’ebé ita bolu resenseamentu  eleitór potensiál sira no atualizasaun baze dadus ba eleitorál  sira ne’ebé iha ona kartaun eleitorál,” Diretór STAE Munisípiu Covalima, Claudio Cardoso esplika iha serimónia lansamentu REABD.

Ba sidadaun sira  ne’ebé nia eleitorál tohar,   lakon no muda hela fatin, hakarak hadi’a dadus atualizasaun baze dadus bele hakat ba edifísiu STAE

STAE Covalima rejista dadus  eleitór provizóriu iha Munisípiu Covalima hamutuk 50,395.

Iha fatin hanesan  Administradór Munisípiu Covalima, Francisco de Andrade, husu ba partidu polítiku lori eleitór atu halo resenseamentu eleitorál.

“Ha’u nia esperansa katak bainhira resenseamentu eleitór no atualizasaun baze dadus hala’o servisu labele dobru no tenke kolabora ho STAE,” Francisco  de Andrade hateten.

Jornalista       :  Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here