Vise Primeiru-Ministru no Ministru Planu no Ordenamentu, José Maria dos Reis. Imajen TATOLI/Egas Cristovão

DILI, 30 juñu 2021 (TATOLI)—Prezidente Repúblika, Francisco Guterres Lú Olo, kuarta ne’e nomea José Maria dos Reis hanesan enviadu estraordináriu ba partisipa XIII Konferénsia Xefe Estadu no Governu CPLP iha Luanda.

Tuir komunikadu imprensa ne’ebé Agência TATOLI asesu ne’e haktuir, Prezidente Repúblika, Francisco Guterres Lú Olo  liuhusi Dekretu Prezidente Repúblika númeru 38/2021, 29 juñu, nomea Vise-Primeiru-Ministru no Minsitru Planu no Ordenamentu, José Maria dos Reis, nu’udar eviadu estraordináriu Prezidente Repúblika ba XIII konferénsia Xefe Estadu no Governu Comunidade dos Paises de Lingua Portuguesa (CPLP).

Iha 17 jullu 2021,  XIII Konferénsia Xefe Estadu no Governu CPLP sei hala’o iha Luanda,  Angola, ne’ebé partisipa hosi Xefe Estadu-membru CPLP.

Tuir Konstituisaun Repúblika Demokrátika Timor-Leste estabelese iha númeru 1 hosi artigu 74 hateten katak, Prezidente Repúblika nu’udar simbolu no garante independensia Nasionál, unidade Estadu no funsionamentu regulár instituisaun demokrátika.

Haree ba interese espesial ba reprezentasaun Repúblika Demokrátika de Timor-Leste, sai nesesáriu hodi nomea Enviadu Estraordináriu Prezidente Repúblika iha Simeira altu nivel ida-ne’e maske iha situasaun pandémika COVID-19 ne’ebé la’o hela iha nível global no nasionál no implementasaun estadu emerjénsia nia laran.

Jonalista : Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here