Pesoál saúde prepara hela vasina kontra COVID-19, tersa (29/06). Imajen TATOLI/Francisco Sony

DILI, 29 juñu 2021 (TATOLI)-Diretór Servisu Saúde Munisípiu Manatuto, Mateus Vicente Correia, informa daudaun ne’e abitante 5.496 iha Munisípiu Manatuto simu ona vasina AstraZeneca.

Notísia Relevante : Populasaun Viqueque ho Lautem 17.189 simu ona vasina

“Ita lansa vasina AstraZeneca ne’e hahú iha loron 17 juñu 2021, to’o mai agora, komunidade 5.496 mak simu ona vasina AstraZeneca,” Mateus Vicente Correia hateten ba Agência Tatoli liuhosi telefónika, tersa ne’e.

Nia hatutan, komunidade ne’ebé daudaun ne’e simu ona vasina AstraZeneca númeru sei uitoan tanba vasina ne’ebé foin lalais distribui ba Munisípiu Manatuto ne’e hamutuk 528 vial de’it.

Nia informa vasina ne’e distribui hotu ona ba komunidade liuliu ba sira ne’ebé idózus, inklui moras króniku sira, ramata iha semana kotuk.  Horiseik, nasionál haruka tana vial 10 nune’e ba Munisípiu Manatuto hosi horiseik to’o ohin vasina sei la’o hela.

“Ba vasina ne’ebé la to’o pedidu ami hato’o ona, kuarta aban (30/06), nasionál sei distribui tan vasina hamutuk 2.500 vial ne’ebé hosi vial 2.500 ne’e ba oin, ami fó vasina ba ema hamutuk 25.000,” nia informa.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here