Sekretáriu Estadu Juventude no Desportu, Abrão Saldanha. Imajen TATOLI/Egas Cristovão

DILI, 25 juñu 2021 (TATOLI) – Partisipasaun Timor-Leste nian iha Tokyo Olympics Games 2020, nu’udar devér hanesan membru Komité Olímpiku Internasionál.

Notísia Relevante : Imelda Belo ho José da Silva prontu kompete iha Tokyo Olympics Games

Sekretáriu Estadu Juventude no Desportu (SEJD), Abrão Saldanha, iha tinan ne’e Timor-Leste nia partisipasaun iha modalidade tolu de’it, Natasaun, Atletizmu ho Taekwondo. Nu’udar dever hanesan membru atu la bele lakon TL nia direitu sira.

“Olympics ne’e ita tenke partisipa duni, atu nune’e ita labele lakon ita nia direitu hanesan membru. Bainhira Komité Olímpiku Internasionál konvida ita no ita só bele iha modalidade tolu de’it mak ba partisipa, se ita la ba nein modalidade ida, maka ita tenke lakon ita-nia direitu hanesan fundu ba solidariedade ne’ebé kada tinan ita tenke simu hosi Olímpiku Internasionál hodi ajuda ita nia Komité Olímpiku Nasionál no federasaun desportivu sira iha ne’e,” Abrão Saldanha hateten ba Agéncia Tatoli, foin lalais ne’e.

Modalidade ne’ebé sei reprezenta Timor-Leste iha Tokyo Olympics Games ne’e  mak hanesan, Taekwondo reprezenta atleta na’in ida (1), Atletizmu na’in ida (1) no Natasaun na’i- rua (2). Tuir oráriu atleta sira sei arranka ba Tokyo-Japaun iha  loron 12 jullu mai ne’e no atividade sei komesa iha 21 jullu to’o agostu, tinan ne’e.

Sekretáriu Estadu Abrão Saldanha hateten, orsamentu ne’ebé apoiu hosi SEJD ba modalidade tolu ne’e hodi halo preparasaun hamutuk 40.000-resin.

Jornalista       : Hortencio Sanchez

Editór             : Francisco Simões

 

HAKEREK NO HATÁN

Please enter your comment!
Please enter your name here