Produtu lokál iha Merkadu Taibesi. Imajen TATOLI/António Gonçalves

DILI, 25 juñu 2021 (TATOLI)Reprezentante Organizasaun Internanasionál Food Agriculure Organization (FAO), Paula Lopes da Cruz, kompromete organizasaun mundiál ne’e sei kolabora ho Ministériu Agrikultura no Peska (MAP) hodi fó asisténsia ba ema vunerável.

“Agora ami seidauk define baseline ida hodi halo avaliasaun ida no haree uma-kain vunerável liu atu ita bele fó apoiu, tanba ita-nia rekursu mós la barak,” Reprezentante FAO hateten iha salaun MAP, Comoro, sesta ne’e.

Daudaun ne’e, FAO hamutuk ho MAP liuhosi programa Objetivu Dezenvolvimentu Sustentável (ODS), halo identifikasaun ba ema vunerável ba seguransa ai-han.

“Ami-nia ema iha 4.000 mak prepara ba  programa ne’e, maibé ba tinan-rua de’it, ho esperansa parseiru seluk bele hamutuk haforsa atubele iha rekursu naton, nune’e pasu tuir mai ita sei halo avaliasaun ba suku sira, tanba programa ODS hahú implementa ona,” nia akresenta.

Nune’e, parte FAO sei rekruta tan ema atu destaka ba suku sira atu haree kondisaun atuál no trasa planu ba oin.

FAO iha manatu atu fó asisténsia téknika ba MAP iha kualker área.

“Ita iha fundu kiik, tanba ne’e hafoin ita identifika uma-kain sira ne’ebé vunerável liu ein termu nutrisaun no segurnasa ai-han, maka ita sei fó asisténsia ho pakote kiik ba suku idaidak no kria kondisaun atu prodús ai-han nutritivu ba sira-nia uma-kain,” Paula Lopes subliña.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here