Diretór Ezekutivu FONGTIL, Daniel Santos do Carmo. Imajen TATOLI/Francisco Sony

DILI, 22 juñu 2021 (TATOLI)-Forum Organizasaun Naun Governamentál Timor-Leste (FONGTIL) husu ba Governu, liuhosi Ministériu Saúde atu halo klarifikasaun  imediata ba informasaun kontrovérsia kona-bá vasina AstraZeneca.

Esklaresimentu Embaixadór Austrália iha Timor-Leste kona-bá vasina AstraZeneca. Imajen/foti hosi Pajina Austrália iha Timor Leste

Iha rede sosiál Facebook, inklui media nasionál no internasionál balun publika deklarasaun Ministériu Saúde Austrália nian ne’ebé hateten katak Austrália prefere vasina AstraZeneca fó de’it ba ema tinan 60 ba leten.

Diretór FONGTIL, Daniel Santos do Carmo, afirma katak Governu presiza halo esplikasaun klaru ba povu kona-ba informasaun kontrovérsia ne’e atu evita povu ta’uk,  tanba maioria povu simu tiha ona vasina AstraZeneca doze dahuluk no daudaun ne’e atu kompleta ona ho doze daruak.

Kontinuasaun esklaresimentu Embaixadór Austrália mai Timor-Leste. Imajen/foti hosi pajina oficial Austrália iha Timor Leste

“Relasiona ho notísia mídia balun hatún deklarasaun Ministériu Saúde Austrália nian katak vasina AstraZeneca ne’e ba de’it ba ema idade 60 ba leten, ha’u lori FONGTIL nia-naran husu responsabilidade másimu hanesan ba Embaixadór Austrália iha Timor-Leste, Organizasaun Saúde Mundiál (OMS) liuliu Governu Timor-Leste, Primeiru-Ministru no Ministériu Saúde, atu halo esplikasaun imediata ba públiku,” Daniel Santos do Carmo, haktuir ba jornalista-sira iha Salaun FONGTIL, Caicoli, Dili, tersa ne’e.

Tuir FONGTIL nia haree bainhira Governu la halo esplikasaun ne’ebé klaru ba informasaun sira-ne’e hanesan lohi ka utiliza ba povu ne’ebé ladún komprende didi’ak ho informasaun sira ne’ebé liga ho vasina refere.

“Ami sei hakerek karta ba Embaixadór Austrália iha TL, OMS, Primeiru-Ministru ho MS atu halo esplika imediatamente kona-bá deklarasaun hosi MS Austrália nian ne’ebé fó sai iha mídia balun, katak AstraZeneca ne’e rekomenda de’it vasina ba ema tinan 60 ba leten,” Daniel Santos do Carmo hateten.

Jornalista       : Arminda Fonseca

Editór             : Francisco Simões 

HAKEREK NO HATÁN

Please enter your comment!
Please enter your name here