Atleta Taekwondo hala’o ezame nasionál. Imajen Tatoli/Hortençio Sanchez.

DILI, 22 juñu 2021 (TATOLI) – Prezidente Federasaun Taekwondo Timor-Leste (FTTL), Gabriel da Costa, informa atleta úniku hosi modalidade Taekwondo, Zenifer Lay, kontinua halo treinamentu másimu iha Austrália.

Zenifer Lay, sei reprezenta Timor-Leste partisipa iha jogu Olympics Games 2020 iha Tokyo-Japaun.

“Ita-nia atleta Zenifer Lay ne’e treinu hela hamutuk ho nia treinadór iha Australia, federasaun Taekwondo iha Timor-Leste mós apoiu moral kontaktu hela de’it ho nia no nia treinu di’ak tebes hodi kompete iha jogu Olympics ne’e,”  Gabriel  da Costa, informa ba Agência Tatoli iha jináziu Dili, tersa ne’e.

Maski atleta ne’e hala’o treinamentu, maibé sei hein hela desizaun balu hosi Komité Olímpiku Nasional Timor-Leste (CONTL-sigla Portugés) ba iha federasaun Taekwondo Mundial atu fasilita sira-nia apoiu ba atleta refere.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here