Edifisíu MNEK. Imajen/Espesiál

DILI, 21 juñu 2021 (TATOLI) – Governu Timor-Leste liuhosi Ministériu Negósiu Estranjeiru no Kooperasaun (MNEK), segunda meiudia ne’e,  hasai komunikadu imprensa ida hodi klarifika pozisaun Timor-Leste nian vota abstensaun ba rezolusaun iha Asembleia Jerál Organizasaun Nasoins Unidas (ONU) hanesan pontu importante ida hodi rezolve problema Myanmar.

Notísia Relevante : Horta lamenta Timor-Leste vota abstensaun ba situasaun Myanmar

“Ministériu Negósiu Estranjeiru no Kooperasaun onradu atu informa vota abstensaun ba rezolusaun problema Myanmar nian, hanesan pontu ida hodi rezolve problema Myanmar nian,” komunikadu MNEK nian ne’e sita tan.

Timor-Leste reafirma nia kompromisu hodi apoiu tranzisaun demokrasia iha Myanmar no apoiu atu povu Myanmar moris iha paz no estabilidade.

Hanesan nasaun demokrátiku ida iha sei la suporta golpe militár iha Myanmar ne’ebé hahú iha 01 fevreiru liu-bá no Timor-Leste husu atu liberta lalais ema hirak ne’ebé militár sira hatama iha prizaun.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here