Kondisaun bee-dalan sira iha Suku Raimea, Zumalai, Covalima. Imajen/rcct.tl

COVALIMA, 18 juñu 2021 (TATOLI) –Atu motiva agrikultór-sira hasa’e produsaun hare, maka presiza tebes reabilita kondisaun irrigasaun-sira iha Munisípiu Covalima.

Notísia Relevante : MAP koleta hare nakroma ektare 80 iha Oebaba

Liuhosi serimónia koleta hare nakroma ektare 80 iha Aldeia Oebaba, Postu Administrativu Zumalai, Munisípiu Covalima, sesta ne’e, reprezentante administradór Covalima, Jacinto dos Santos, propoin ba Ministru Agrikultura (MAP), Pedro Reis, atu bele halo levantamentu ida kona-bá oinsá reabilita irrigasaun-sira iha Covalima ne’ebé at ba daudaun.

“Covalima nu’udar mós zona potensiál ba produsaun hare. Ezemplu natar ektare boot iha área Salore, Salele, Maukola no seluk tan, ameasa abandonadu tanba laiha bee no irrigasaun-sira at ba beibeik. Tanba ne’e, ami husu MAP tau hela atensaun hodi buka solusaun,” Jacinto dos Santos informa.

Ministru Pedro Reis, lia tun hodi dehan,  nia parte anota sujestaun-sira ne’e no aponta iha ajenda atu bele tau iha planu asaun MAP nian.

“Ami sei tau iha ajenda, nune’e iha ami nia mandatu, ami sei halo netik buat ruma. Ida-ne’e mak ha’u nia mehi. Fatin sira ne’ebé Administradór temi ami sei ba hare atu tau iha planu asaun,” Ministru Pedro Reis hateten.

Notísia Relevante : Covalima husu Governu destaka operator ekipa pezadu permanente

Jornalista       : Celestina Teles 

Editór             : Francisco Simões 

 

HAKEREK NO HATÁN

Please enter your comment!
Please enter your name here