Diretór Nasionál Aprovizionamentu, Quintiliano Belo. Imajen TATOLI/Florêncio Miranda Ximenes

DILI, 28 maiu 2021 (TATOLI)–Ministériu Obra Públika (MOP) liuhosi Diresaun Nasionál Aprovizionamentu (DNA), hahú anunsia empreza lokál manan-na’in konkursu públiku projetu Estrada Rurál ba Dezenvolvimentu (ERD) iha munisípiu Lautém.

Diretór Nasionál Aprovizionametu, MOP, Quintiliano Belo, informa empreza manan-na’in ba projetu estrada rurál iha Lautém hamutuk haat.

“Ita anunsia ona empreza manan-na’in liuhosi avaliasaun rigorozu ba tékniku no finanseiru ne’ebé estrada rurál pakote haat ne’e, empreza haat mak sai manan-na’in,” Diretór Quitiliano informa ba Agência TATOLI, iha ninia knaar fatin, Caicoli, kinta ne’e.

Empreza ne’ebé sai manan-na’in ba konkursu públiku ERD iha munisípiu Lautém ho númeru konkursu MOP/CD/NCB-R/21013, projetu estrada rurál iha área Luro to’o Barikafa, kilómetru hitu ho kustu $249.614,09 ne’ebé ka’er hosi kompãnia Lili Unip.Lda, Ilie Chao Unip.Lda ho númeru konkursu MOP/CD/NCB-R/21014, sai vensedór ba projetu estrada rurál iha Luro, Kotamutu to’o Lakawa ho kilómetru 6,5 ho kustu $132.612,26.

Nune’e mós, empreza Ilie Chao unip.Lda mós sai manan-na’in ba pakote projetu estrada rurál ho númeru MOP/CD/NCB-R/21015, área projetu Daisadara to’o Liquidiga ho kilómetru 10 resin, ho kustu $181.220,42 no kompañia Komi Ara Unip.Lda mós sai manan-na’in ba projetu ho númeru MOP/CD/NCB-R/21016, área projetu Leuro to’o Sorulua, ho kustu $271.648,79.

DNA-MOP loke konkursu públiku ho baze ba artigu 96 Iha dekretu lei númeru 10/2005 kona-ba Rejime Aprovizionamentu.

Nune’e, MOP-DNA hein empreza sira ne’ebé kompete maibé la konsege liu, bele hato’o karta protestu durante loron lima, hahú hosi anunsiu rezultadu konkursu públiku.

Pakote estrada rurál ba munisípiu Lautém, balun tama iha ona Komisaun Administrasaun Fundu Infraestrutura (KAFI) no ikus mai Komisaun Nasionál Aprovizionamentu (CNA, sigla portugés) públika ona.

Antes ne’e, MOP selebra karta aseitasaun ho empreza manan-na’in hamutuk 22, ba konkursu públiku ERD iha munisípiu Ainaro, Baucau, Dili, Manatuto no Viqueque.

Notísia relevante: MOP selebra aseitasaun ho vensedór projetu estrada rurál munisípiu lima

Orsamentu ba projetu estrada rurál iha munisípiu lima ne’e hamutuk millaun $8, ho durasaun tinan-ida, hahú hosi 2021 to’o 2022.

Iha orsamentu Jerál Estadu (OJE) 2021, Governu aloka millaun $49, ne’ebé millaun $35 mai hosi verba Fundu Infraestrutura no millaun $13 hosi liña ministeriál, atu halo reabilitasaun no manutesaun estrada rurál distansia kilómetru 816.

Programa investimentu kapitál estrada rurál ne’e hosi Governu nia osan rasik no hetan apoia hosi Governu Austrália atu fó asisténsia téknika liuhosi International Labour Organization (ILO), ba formasaun planeamentu dezeñu no treinamentu ba traballadór no setór privadu iha área jestaun projetu.

Notísia relevante: MOP-DNA realiza formasaun ba emprezáriu kompete projetu estrada rurál Aileu

Governu liuhosi MOP sei halo estrada iha munisípiu Ainaro, sei halo manutensaun ba estrada rurál sira hamutuk kilómetru 35,3, estrada rurál sira ne’ebé sei halo maka hahú hosi Maubisse-Liurai ho valór $118.756, suku Liurai-Hatubuilico no Liurai- Fatubosa $83.108.

Munisípiu Ainaro bá halo manutensaun iha suku Mau- Ulo ho totál osan $35.427 no manutensaun ba estrada dirasaun Dare-Mau-Chiga no Mau-Chiga ba Lesuati ho totál valór $39.100.

Enkuantu, iha munisípiu Manatuto estrada rurál ne’ebé mak sei halo manutensaun hamutuk kilómetru 827, estrada sira ne’e mak hosi suku Haturalan bá suku Kairui ho valór osan $31.688, nune’e iha postu administrativu Natarbora hosi suku Kaen-laran ba Barique ho osan hamutuk $309.349.

Postu administrativu Laklubar, hosi Laklubar ba suku Funar ho totál osan $226.512 no Funar-Fatumakere ho verba $448.615.

Postu administrativu Soibada, hosi Manlala Manufahi kiik ba Soibada ho orsamentu $203.039, hosi Soibada- Fatumakerek ho valór $196.205, no suku Uma-Boku ba Agrikultór Center ho osan $327.912, no Agrikultór center ba Aubeon $349.892.

Iha munisípiu Baucau sei halo manutensaun ba estrada hamutuk kilómetru 40,4, mak hanesan hosi Baucau-Uatobo ho valór osan $431.054, manutensaun ba estrada hosi Caicoli-Liabala, Oma Ana Iko, Berkoli- Bahamori, Buruma-Uaimateme, Boile-Uatabo, ho totál osan $306.664.

Postu administrativu Laklubar, hosi Laklubar ba suku Funar ho totál osan $226.512 no Funar-Fatumakere ho verba $448.615. Postu administrativu Soibada, hosi Manlala Manufahi kiik ba Soibada ho orsamentu $203.039, hosi Soibada- Fatumakerek ho valór $196.205, no suku Uma-Boku ba Agrikultór Center ho osan $327.912, no Agrikultór center ba Aubeon $349.892.

Iha munisípiu Baucau sei halo manutensaun ba estrada hamutuk kilómetru 40,4, mak hanesan hosi Baucau-Uatobo ho valór osan $431.054, manutensaun ba estrada hosi Caicoli-Liabala, Oma Ana Iko, Berkoli- Bahamori, Buruma-Uaimateme, Boile-Uatabo, ho totál osan $306,664. Hosi Loilubu-Osso Ala ho osan $381.075, no Loilobu- Osso Ala ho korente2+500-4+500 ho totál osan $260.524 no Vemasse-Caicua $245.927.

Nune’e mós, sei halo estrada rurál hosi Bagui Larisula, Samalari-Sorugua, Teriluedade-Salari- Binagua no Dailari-Boleha, hosi rute sira ne’e sei gasta osan ho valór $281.659.

Nune’e, MOP-DNA sei lansa konkursu públiku ba munisípiu lima seluk hanesan munisípiu Aileu, Ermera, Liquiçá, Covalima no Bobonaro, ho totál pakote estrada rurál hamutuk 30, hafoin situasaun serka sanitária.

Jornalista : Florêncio Miranda Ximenes

Editora     : Julia Chatarina

HAKEREK NO HATÁN

Please enter your comment!
Please enter your name here