Primeiru-Ministru, Taur Matan Ruak, prezide reuniaun Konsellu Ministru, iha salaun Ministériu Finansa, Aitarak-laran, kuarta (16/06). Imajen TATOLI/Egas Cristóvão

DILI, 16 juñu 2021 (TATOLI)—Ministériu Justisa (MJ) hamutuk ho Ministériu Finansa (MF) kria rejime remuneratóriu ba membru Komisaun Terra no Propriedade, ne’ebé presta servisu relasiona ho disputa bens no imóvel.

Nune’e, Ministru Justisa, Manuel Cárceres da Costa, hamutuk ho Ministru Finansas, Rui Augusto Gomes, aprezenta Projetu Dekretu Governu kona-ba kriasaun rejime remuneratóriu ne’e iha reuniaun Konsellu Ministru (KM) no hetan aprovasaun.

“Komisaun Terra no Propriedade hanesan organizmu ne’ebé responsável ba rezolusaun kazu disputa sira kona-ba bens no imóvel” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu iha salaun auditóriu Ministériu Finansa, kuarta ne’e.

Projetu Dekretu Governu ne’e sei permite funsionamentu komisaun no kontribui ba rezolusaun kazu pendente disputa rihun ba rihun, ne’ebé kontribui ba pás sosiál no dezenvolvimentu ekonómiku.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here