Vise Primeiru-Ministru Ministru Planu no Ordenamentu (MPO), José Maria dos Reis, aprezenta planu estratéjiku dezenvolimentu, iha Palásiu Governu, tersa (15/06). Imajen TATOLI/Francisco Sony

DILI, 15 juñu 2021 (TATOLI)Vise Primeiru-Ministru no Ministru Planu no Ordenamentu (MPO), José Maria dos Reis, halo aprezentasaun ida ba Primeiru-Ministru (PM), Taur Matan Ruak, kona-ba esbosu planu reajustamentu dezenvolvimentu estratéjiku.

Ministru Planu no Ordenamentu, hateten, esbosu ne’e aprezenta ba Xefe Governu molok lori diskute iha reuniau Konsellu Ministru (KM), iha kuarta (16/06) hodi hetan aprovasaun.

“Enkontru ida-ne’e ha’u mak husu atubele halo aprezentasaun ida ba Primeiru-Ministru kona-ba esbosu estabelesementu planu dezenvolvimentu estratéjiku, tanba protokolu iha Ministériu Planu no Ordenamentu difikulta ne’ebé tenke halo konstrusaun ordenasaun ba dezenvolvimentu polítika estratéjika,” Ministru relata hafoin halo aprezentasaun iha Palásiu Governu, tersa ne’e.

Nia hatutan, aprezentasaun ne’e hafoin komisaun fulan hirak liubá halo ona preparasaun no finaliza, kuandu hetan aprovasaun hosi KM maka sei hamosu tan rezolusaun ida atu harii estrutura atu halo elaborasaun planu reajustamentu dezenvolvimentu estratéjiku.

Aprezentasaun ne’e akompaña mós hosi Vise Primeiru-Ministru no Ministra Solidariedade Sosiál no Inkluzaun, Armanda Berta no Ministru Prezidénsia Konsellu Ministru, Fidelis Manuel Leite Magalhães.

Jornalista  : Antónia Gusmão

Editora       : Julia Chatarina

HAKEREK NO HATÁN

Please enter your comment!
Please enter your name here