Komandante PNTL Covalima, Superintendente António de Sá. Imajen Tatoli/Eugénio Pereira

COVALIMA, 14 juñu 2021 (TATOLI) – Komandante Polísia Nasionál Timor-Leste  Munisípiu  Covalima, Superintendente  António Maria de Sá, husu ba populasaun Covalima atu kontinua kumpre protokolu saúde públiku kona-ba prevensaun COVID-19.

Notísia Relevante : Covalima simu vasina doze daruak

“Ha’u fiar populasaun Covalima simu vasina AstraZeneca hodi hasae imunidade. Mezmu nune’e, ita kontinua kumpre protokolu saúde públiku, hanesan fase-liman beibeik ho sabaun, uza máskara no distánsia fíziku,” António de Sá hateten ba jornalista iha Covalima, segunda ne’e

Nia esplika, la’ós tanba pandemia COVID-19 mak disiplina, maibé nu’udar nasaun independente disiplina hahú kedas uma laran to’o iha públiku. Husu mós atu populasaun hotu nia konsiénsia hodi bele kontribui ba paz no estabilidade hodi kumpre regra Estadu emerjénsia.

Jornalista       : Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here