Aikido. Imajen/Bob Marshall - WordPress.com

DILI, 14 juñu 2021 (TATOLI) – Sekretáriu Jerál Federasaun Aikido Timor-Leste, Francisco Barudo, hateten maski Governu hasai ona “orden” ba sidadaun hotu tenke tuir vasina atu ele hala’o atividade normál, maibé Aikido sei la obriga nia atleta tanba respeita ba sidadaun nsira nia direitu no liberdade.

“Vasina ne’e regra ida hosi Governu atu atleta no ema hotu tenke partisipa, maibé ami nia atleta fila fali ba ema ida-idak nia direitu. Ami federasaun labele obriga fali atleta sira atu ba sona tanba mosu buat ruma hanesan ema mate se mak atu responsabilidade,” Francisco Barudo, haktuir  ba Agência Tatoli iha Jináziu Dili, segunda ne’e.

Nia hateten, federasaun iha obrigasaun atu fó alerta ba atleta sira bele vasina, maibé federasaun laiha autoridade moral no polítika atu impoin ema ida-idak nia direitu no liberdade ba simu vasina ne’e.

Iha situasaun serka sanitaria, konfinamentu obrigatóriu no estadu emerjénsia ne’ebé aplika iha Timor-Leste, tinan rua ona, prejudika atividade federasaun Aikido nian tanba sira la bele halibur malu no halo treinu.

Tuir dadus federasaun nian dezde 2003 to’o mai 2021 ne’e, atleta Aikido hamutuk 600-resin, maibé atleta ativu 200-resin.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here