Hare tasak no besik atu kolleta. Imajen TATOLI/Cipriano Colo

VIQUEQUE, 11 juñu 2021 (TATOLI)-Diretór Ministériu Agrikultór no Peska (MAP) Munisípiu Viqueque, Carlos Pinto, konsidera polítika Governu nian kona-bá  programa Cesta Bázika  motiva tebes agrikultór-sira tanba sura-nia produtu lokál hanesan foos-lokál folin di’ak.

“Ha’u hatene, iha  2021 natar barak iha Viqueque la abandona tanba nian impaktu hosi implementasaun programa Cesta Bázika ne’ebé motiva   agrikultór-sira tanba sira-nia foos lokál folin tebes,” diretór Ministériu Agrikultór no Peska (MAP) Munisípiu Viqueque, Carlos Pinto hateten ba Agência Tatoli iha Viqueque, kinta lokraik (10/06).

Carlos Pinto hatutan, presu hare tuir estandar nasionál 40 kilo ho folin  $40 centavos, maibé implementa  Cesta Bázika   kompañia la sosa  kilo sira   sosa lata no  iha lata ne’e kilograma 12 ho folin $10  centavos ne’ebé agrikultór sente kontente tebes.

“Tuir ha’u-nia haree produsaun hare iha tinan 2020 sa’e maka’as ne’e iha natar Uatulari, Baidubu no produsaun ki’ik liu mak natar Lica no Ossu no iha tinan 2021 ne’e natar sira iha munisípiu Viqueque la abandonadu,”  Carlos Pinto hateten.

Carlos husu agrikultór sira hosi  Viqueque atu kontinua hasa’e produsaun hare tanba Governu mós nafatin tau atensaun no sosa hodi fornese ba Sentru Lojístiku Nasionál (CLN).

Jornalista  : Vitorino Lopes da Costa

Editór       : Francisco Simões

HAKEREK NO HATÁN

Please enter your comment!
Please enter your name here