Magnífiku Reitór UNPAZ, Adolmando Soares Amaral. Imajen TATOLI/Egas Cristovão

DILI, 10 juñu 2021 (TATOLI)–Funsionáriu, dosente no estudante ativu iha Universidade da Paz (UNPAZ) hamutuk na’in-600 simu ona vasina AstraZeneca hodi prepara an  enfrenta prosesu ensinu aprendizajen perensiál.

Magnífiku Reitór UNPAZ, Adolmando Amaral, kinta ne’e, informa, ista ne’ebé universidade haruka bá Ministériu Saúde hamutuk ema 9.177, maibé iha prosesu vasinasaun la to’o 50%.

“ita bele dehan dosente funsionáriu no estudante ativu ne’ebé simu ona vasina hamutuk na’in-600 de’it, parese balun sei duvida hela,” Adolmando Amaral hateten iha kampus UNPAZ.

Nia esplika hosi lista ema na’in-9.177 ne’ebé UNPAZ haruka ba MS ne’e, iha funsionáriu no dosente hamutuk 430 no planu vasinasaun ba entidade akadémiku iha UNPAZ ne’e hodi prepara bainhira Governu loke oportunidade ba Instituisaun Ensinu Superiór Públiku no Privadu atu realiza fali aula prejensiál.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here