Governu transporta apoiu umanitáriu ho elikópteru ba Munisípiu Covalima, tersa (04/05). Imajen média MI/Dok.

COVALIMA, 08 juñu 2021 (TATOLI)–Centro Comunidade Covataroman  (CCC) sei apoiu nesesidade bázika ba família vulneravel 25 iha Suku Taroman, Postu Administrativu Fatululik, Munisípiu Covalima.

“Ami rekolla dadus família sira ne’ebé vulneravel kada aldeia, ami identifika uma-kain 25 atu hetan  apoiu hosi CCC,“ Xefe Suku Taroman, Leonel Asa, informa ba Agência Tatoli iha Postu Administrativu Fatululik, Covalima, tersa ne’e

Apoiu hosi CCC ba abitante vulneravel sira-ne’e mós liga ho situasaun inserteza ohin loron kona-bá aplikasaun serka sanitaria, konfinamentu obrigatóriu no estadu emerjénsia.

Munisípiu Covalima, Postu Administrativu Fatululik, Suku Taroman kompostu hosi Aldeia Tarorman, Lianain, Makous, Holbak  ho Fatulor .

Jornalista       : Celestina Teles

Editór             : Francisco Simões

 

HAKEREK NO HATÁN

Please enter your comment!
Please enter your name here