Diretór Eskola ESJl 12 Novembru, Aniceto Pedro da Costa. Imajen TATOLI/ Tomé Amado

DILI, 04 juñu 2021 (TATOLI) – Eskola Ensinu Sekundáriu Jerál (ESJ) 12 novembru, Becora, Dili, laiha fundu atu imprime rezumu matéria hodi distribui ba estudante-sira hamutuk na’in-2.029.

Ho difikuldade orsamentu ne’e,  Diretór ESJ 12 novembru, Aniceto Pedro da Costa, husu ba inan-aman estudante-sira atu kopia rezumu matéria ne’ebé eskola prepara ba oan sira.

“Ami laiha osan atu halo kopia rezumu matéria ba alunu-sira tanba matéria ne’ebé ami prepara kada estudante sei hetan dixiplina 13 tan ne’e difisil atu ami halo kopia,” Aniceto Pedro da Costa, haktuir ba Agência Tatoli iha nia servisu fatin, sesta ne’e.

Aniceto esplika sira foin mak hetan osan konsesaun eskolár hosi Ministériu Edukasaun ba fulan tolu nian, maibé ne’e mós la sufisiente tanba osan konsesaun eskolár ne’e kada alunu hetan dolar ida  ba fulan ida.

Tuir nia rezumu matéria sira ba primeiru trimestrál nian agora iha ona faze korasaun tanba estudante sira aprezenta hotu ona agora matéria segundu trimestrál nian eskola prepara ona hein de’it halo distribuisaun.

“Ami nia planu matéria segundu trimestrál nian eskola distribui de’it ba alunu sira atu estuda iha uma kuandu Governu re-ativa fali eskola maka profesór-sira sei esforsu halo esplikasaun de’it ba alunu sira,” Aniceto tenik.

Jornalista : Tomé Amado

Editór        : Francisco Simões  

HAKEREK NO HATÁN

Please enter your comment!
Please enter your name here