DILI, 26 maiu 2021 (TATOLI)–Governu liuhosi reuniaun Konsellu Ministru (KM) aprova Projetu Dekretu-Lei ne’ebé aprezenta hosi Ministru Ensinu Superiór Siénsia no Kultura, Longuinhos dos Santos, kona-ba kriasaun liña kréditu ho naran ‘Ensinu Superiór Kualidade’ ho juru razoável.
“Projetu Dekretu-Lei ida-ne’e hodi apoiu estabelesimentu ensinu superiór privadu sira ne’ebé hetan akreditasaun iha obtensaun, hodi hadi’a kondisaun no infraestrutura sira,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha salaun Ministériu Finansa (MF), Aitarak-laran, kuarta ne’e.
Nune’e mós, permite atu kapasita rekursu umanu sira, ho objetivu atu hasa’e kompetitividade no rekoñesimentu internasionál ba instituisaun ensinu superiór.
“Bele dezenvolve diversifikasaun kursu iha área prioritária sira no dezenvolve desentralizasaun territoriál ensinu superiór nian,” Portavóz Governu esplika.
Jornalista: Antónia Gusmão
Editora: Julia Chatarina