Irrigasaun balun iha munisípiu. Imajen/PNDS

DILI, 21 maiu 2021 (TATOLI)–Ministériu Agrikultura Peska (MAP) prepara atu halo loke konkursu públiku ba rekonstrusaun irrigasaun boot iha tinan ne’e, ne’ebé ho kategoria estragu boot.

Tuir Diretór Nasionál Irrigasaun hosi MAP, Martinho Laurentino Soares, iha tinan 2021 ministériu propoin atu hadi’a irrigasaun 40, maibé bainhira lori ba parte Konsellu Administrasaun Fundu Infraestrutura (KAFI) aprova de’it ualu.

“Ami prepara tiha dezeñu BoQ hodi haruka ba Ajénsia Dezenvolvimentu Nasionál (ADN) hodi verifika no  aprova hotu, hafoin haruka mai ami atu kria fali CPV atu lori  ba aprovizionamentu hodi nunee bele halo prosesu  konkursu,” Diretór ne’e dehan ba Agência TATOLI, iha edifísiu MAP, Comoro, sesta ne’e.

Nia dehan, daudaun parte ADN halo hela verifikasaun dezeñu BoQ no sei atraza oituan tanba ne’e seidauk bele loke konkursu públiku.

“Dadus diferente oituan hosi Unidade Planeiamentu, Monitorizasaun no Avaliasaun (UPMA), tanba ne’e ami sei deskute atu halo loloos dokumentu sira mak foin hahú loke konkursu ba projeitu ne’e. Espera tinan ne’e nia laran ita bele implemeta projetu rekonstrusaun irrigasaun ualu ne’e,” nia akresenta.

Nia rekoñese, atrazu iha prosesu ne’e mós tanba situasaun serka sanitária no konfimentu tanba COVID-19, nune’e seidauk bele finaliza prosesu to’o agora.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here