Reuniaun Konsellu Ministru, iha salaun Ministériu Finansa, Aitarak-laran, kuarta (19/05). Imajen TATOLI/Egas Cristóvão

DILI, 19 maiu 2021 (TATOLI)—Governu Timor-Leste hamutuk ho Austrália sei kolabora hamutuk iha área desentralizasaun administrativa territoriál no dezenvolvimentu infraestrutura lokál sira hanaran ‘PARTISIPA’.

Tanba ne’e, iha reuniaun Konsellu Ministru (KM) aprova ona proposta akordu entre Estadu rua ba projetu koordenasaun refere.

“Projetu ne’e sei implementa entre loron 01 jullu 2021 no 30 2031, ne’ebé programa ne’e iha eskala nasionál ida ho elementu ezekusaun ba nível sentrál no lokál,” Ministru Prezidénsia Konsellu MInistru, Fidelis Manuel Leite Magalhães, relata hafoin ramata reuniaun ezekutivu iha salaun Ministériu Finansa (MF), Aitarak-laran, kuarta ne’e.

PARTISIPA iha komponente tolu, hanesan apoiu ba Programa Nasionál Dezenvolvimentu Suku (PNDS), kapasitasaun administrasaun no autoridade munisipál sira inklui komponente atu hadi’a operasaun no manutensaun infraestrutura sira.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here