Prezidente Agência Tatoli, Manuel Pinto, kahe tais ba Embaixadór EUA iha Timor-Leste, Kevin Blackstone, ne’ebé vizita edifísiu Agência TATOLI iha Faról, Dili, sesta (14/05). Imajen TATOLI/Jogerjo Guterres.

DILI, 14 maio 2021 (TATOLI)–Embaixadór Estadu Unidu Amérika (EUA), Kevin Blackstone, sesta ne’e vizita Agência Tatoli,I.P hodi hatene kondisaun Agência Tatoli no iha futuru sei halo kooperasaun iha kapasitasaun área rekursu umanu nian.

“Hau kontente teb tebes mai iha Tatoli. Ohin, mós ha’u ko’alia ona ho Prezidente Tatoli, Manuel Pinto katak mídia ida-ne’ebé livre no indepedente esensiál tebes ba iha sosiedade. Hau sei halo kooperasaun mos ho Tatoli iha futuru mai,” Kevin Blackstone hateten ba Agência TATOLI, Faról, Díli.

Embaixadór EUA iha Timor-Leste, Kevin Blackstone, vizita edifisiu Agência TATOLI hodi halo sorumutu ho Prezidente Agência TATOLI, Manuel Pinto, Vise-Prezidente Asuntu Redasaun no Administrasaun Xisto Freitas no Olandino da Costa, iha Faról, sesta (14/05). Imajen TATOLI/Egas Cristóvão

Nu’udar embaixadór EUA, nia kompremetidu atu apoiu ba Agência Tatoli liuliu iha kapasitasaun Lian Ingles, tanba nu’udár programa ida hosi Embaixada Amerika iha Timor-Leste.

“Ha’u mos sei prepara programa ida atu inklui jornalista sira hosi rai-li’ur ho jornalista Tatoli hodi fahe espriénsia ba malu liuliu ba mundu jornalizmu nian,” nia dehan.

Nia dehan, nia parte sei kontinua realiza vizita mídia sira seluk iha Timor-Leste atu bele halo kooperasaun iha loron aban.

Tuir observação jornalista TATOLI, Embaixadór Estadu Unida Amerika to’o iha edifisiu Tatoli ho horas 10:00 OTL, ne’ebé mak simu direta hosi Konsellu Diretivu TATOLI, Prezidente TATOLI Manuel Pinto, ho Vise-Prezidente Asuntu Redasaun no Asuntu Administrasaun Xisto Freitas no Olandino da Costa, Editora Ezekutiva Rita Almeida, Koordenadór Kobertura Rafael Belo no selu-seluk tán.

Jornalista: Domingos Piedade Freitas

Editór: Cancio Ximenes

HAKEREK NO HATÁN

Please enter your comment!
Please enter your name here