Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristovão.

DILI, 11 maiu 2021 (TATOLI)—Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, husu ba Embaixadór Timor-Leste iha Jakarta atu rekolla dadus estudante timor-oan sira-ne’ebé hala’o estudu iha Indonézia ne’ebé sira-nia vistu expira (vistu termina ona validade).

“Infelizmente ami hetan hosi embaixada tanba sira hotu hato’o lamentasaun barak. Ami follow up ho embaixada ne’e no ko’alia kona-ba estudante timor-oan sira iha Indonézia, sira hakerek nota ida mai seidauk keixa ba Governu Indonézia katak sira vistu expira. Sira presiza ajuda atu hetan estensaun. Ne’e mak ami husu ona Embaixadór Timor-Leste iha Jakarta atu rekolla dadus,” Adalzija Albertina Xavier Reis Magno, hateten ba jornalista sira hafoin enkontru ho Prezidente Repúblika, iha rezidénsia Faról, Dili, tersa ne’e.

Nia hatutan, estudante timor-oan sira ne’ebé keixa katak vistu expira no hakarak fila mai Timor-Leste maibé nunka hato’o keixa ba Governu Indonézia, tanba Governu Indonézia hateten sira-nia parte seidauk iha dadus kona-ba estudante timor-oan sira-ne’ebé ninia vistu expira.

“Governu Indonézia hateten mai ami formalmente ho karta ida katak to’o agora sira seidauk iha dadus kona-ba estudante timor-oan sira-ne’ebé hateten sira-nia vistu expira,” nia dehan.

Timor-oan sira iha ne’ebá hakarak halai ona mai Timor ne’e mak MNEK husu ba embaixadór atu rekolla ona estudante sira-nia dadus, sé mak vistu expira tanba embaixada no Governu Indonézia mós la hatene ne’e, mak MNEK husu ba estudante sira aprezenta-aan ba embaixada. 

Jornalista: Osória Marques

Editór: Cancio Ximenes

 

HAKEREK NO HATÁN

Please enter your comment!
Please enter your name here