Defensor Públiku Jerál, Câncio Xavier. Imajen Tatoli/Dok

DILI, 12 maiu 2021 (TATOLI)—Janeiru to’o marsu 2021, serbisu defensoria púbika fó asisténsia jurídika ka  legál ba prosesu kazu foun hamutuk 484.

“Iha trimestre dahuluk, serbisu defensoria  públika atende kazu krime foun  387, kazu sivíl 97 ho totál 484,” Defensór Públiku Jerál, Câncio Xavier, hateten  ba jornalista Agéncia Tatoli, iha nia kna’ar fatin Quintál Boot, Dili, kuarta ne’e.

Notísia relevante:TDD adia julgamentu ba kazu omisídiu

Asisténsia legál defensoria públika ba sidadaun hasoru prosesu justisa, hanesan julgamentu iha Tribunál, julgamentu móvel, primeiru interrogatóriu no mediasaun-sira ne’ebé balun prosesu la’o hela, arkiva, arkiva temporária ne’ebé desizaun tun ona, maibé sei iha rekursu.

Kazu krime  ne’ebé rejistadu maioria ofensa integridade fízika simples, violénsia doméstika no prosesu sivíl mak disputa rai.

Serbisu defensoria, hanesan, serbisu sosiál fó asisténsia jurídika, judisiáriu no estra-judisiál ne’ebé garante iha artigu 135 Konstituisaun Repúblika Demokrátika Timor-Leste (K-RDTL), ne’ebé esensiál hodi salva guarda direitu lejítimu sidadaun no fó asisténsia ho gratuita.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here