Logo-tipu PDHJ

DILI, 12 maiu 2021 (TATOLI)—Provedoria Direitu Umanu no Justisa (PDHJ-sígla portugés), hahú hosi janeiru to’o maiu 2021, simu keixa hamutuk 70.

Keixa hirak-ne’e, hato’o direta hosi komunidade, liu hosi karta eskrita, komunikasaun telefónika no WhatsApp.

Notísia relevante:PDHJ arrola ona keixa oknum polísia basa pesoál Saneamentu

Deskrisaun hosi kazu hirak-ne’e, Dili iha keixa 42, delegasaun territoriál PDHJ Baucau hitu (7), Maliana 14, Same tolu (3) no Rejiaun Administrativa Espesiál Oecusse Ambeno (RAEOA) ha’at (4).

“Keixa sira-ne’e indísiu violasaun boa governasaun 30, no violasaun direitu umanu 40,” PDHJ haktuir liu hosi komunikadu, kuarta ne’e.

Progressu no andamentu keixa iha 23 mak loke ona investigasaun, ne’en (6) refere, arkivada 22 no seidauk 19.

PDHJ mak iha kompeténsia kona-bá keixa-sira ne’ebé tama, bainhira finaliza ninia investigasaun sei enkamiña ba Ministériu Públiku (MP), hodi loke prosesu tuir-mai.

Antes ne’e, PDHJ ho parte Prokuradoria Jerál Repúblika (PJR), asina ona akordu kooperasaun instituisionál ba periúdu 2021-2014, hodi fasilita liu-tán keixa sidadaun sira-nia solisitasaun.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here