Presidente Institutu Nasionál Seguransa Sosiál (INSS) Longuinhos Armando. Imajen/Egas Cristovão

DILI, 10 maiu 2021 (TATOLI)—Governu liuhosi Institutu Nasionál Seguransa Sosiál (INSS) kria medida neen (6) hodi fó apoiu ba empregu sira iha territóriu nasionál iha ámbitu pandemia COVID-19 nian ne’e ho orsamentu millaun $45.

“Ita halo medida foun neen (6) mak ho naran apoiu ba empregu (apoio ao emprego) iha situasaun COVID-19 ne’e. Ne’ebé, ita sei hala’o rejistu ba empregu sira iha territóriu nasionál hahú aban (tersa, 11/05). Rejistu bele ba edifisiu maib’e tanba tenke kumpre nafatin regra hosi Ministériu Saúde nian entaun bele halo rejistu online liuhosi karta eletronika (e-mail) MSSI no INSS nian,” Prezidente Konsellu Administrasaun Institutu Nasionál Seguransa Sosiál (INSS), Longuinhos Amando Leite, hateten ba Agência TATOLI, liuhosi telefónika, segunda ne’e.

Medida neen (6) ne’e, Prezidente INSS ne’e haktuir; a) Subsidio extraordinário aos trabalhadores por conta de outrem ka apoiu subsídiu traballadór ba ekstraordináriu ba konta ema seluk nian 70%;

b) Subsídio extraordinário aos trabalhadores por conta própria, aos empresários em nome individual, aos trabalhadores do serviço doméstico e aos gerentes e administradores ka apoiu subsídiu traballadór ba individual, emprezáriu individuál, traballadór doméstika no jerente no administrasaun 85%;

c) Dispensa do dever de pagamento das contribuições sociais 6% ka traballadór sira ne’ebé dezempregu tanba ema hapara 6%;

d) Subsidio ao xtraordinário de desemprego ka subsídiu ekstraordináriu ba dezempregu 40%;

e) Subsídio extraordinário de eletresidade ka subsídiu traballadór ba eletresidade 50% no;

F) Subsídio extraordinário de renda ka subsídiu ba aluga sira ba 30%.

Nia dehan, empregu ba rejistu iha ida-idak nia ministériu ne’ebé destaka hela iha munisípiu hotu-hotu.

Rejistu ba empregu sira-ne’e sei to’o iha loron 15, hahú hosi loron 4 maiu hetan aprova no promulgasaun hosi Prezidente Repúblika Francisco Guterres Lú Olo ne’ebé bazea ba artigu 3 iha sesaun ida, kapítulu 3 hateten escreve praso quinze dias entrada em vigor no 4 maiu katak rejistu hahú loron haat bainhira aprova no hetan promulgasaun ona entaun sei sura hosi 4 maiu no termina iha 28 fulan ne’e.

“Iha diploma ne’e hetan aprova no promulgasaun iha loron 4 maiu no sei termina iha 28 fulan ne’e. Entaun ita fó rejistu aban tanba ho razaun katak tenke sura hosi loron aprovasaun no promulgasaun. Maibé, Prezidente Repúblika promulga iha kinta semana kotuk, entaun aban mak ita foin loke inskrisaun ba empregu sira,” nia dehan.

Kona-ba rekezitu, nia dehan, motorista sira tenke prenxe kritériu hanesan karta kondusan tenke moris, kartaun kondusaun tenke ba morista públiku no labele privadu. Kritériu domestiku tuir grau hosi 1 to’o 10, ba sira-ne’ebé grau 10 hetan $300 no ida kiik liu hetan $15.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here