Prizioneiru iha prizaun Becora. Imajen Tatoli/António Gonçalves.

DILI, 04 maiu 2021 (TATOLI)—Ministériu Justisa (MJ), deside rekopera imediatu sela iha Estabelesimentu Prizaun Becora ho moru Sentru Formasaun Jurídika no Judisiária (SFJJ), ne’ebé hetan estragu hosi dezastre naturál, iha loron 04 abríl.

“Prizaun Becora mak uma kakuluk loke oitoan tanba tuan ona, nune’e iha bloku (sela) tolu mak bee tama, inklui moru iha sentru formasaun jurídika ne’ebé nakfera. Oras-ne’e dadaun iha faze ajudikasaun ba empreza-sira bele hadia,’’ Ministru Justisa, Manuel Cárceres da Costa, hateten ba jornalista Agéncia Tatoli, iha edifísiu Ministéiru Negósiu Estranjeiru no Kooperasaun (MNEK), Praia dos Coqueiros, Dili, tersa ne’e.

Notísia relevante:MJ identifika fatin tolu re-aloka vítima dezastre naturál iha Dili

Tekníku enjeñeiru hosi MJ identifika ona estragu-sira ne’e, no parte Unidade Aprovizionamentu iha prosesu ajudikasaun ba empreza, atu bele hadia iha tempu badak.

Parte Ministériu Justisa prevee ona rihun $20, atu hadia estragu hosi fatin rua ne’e.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here