Traballadór sira halo konstrusaun estrada iha Maubara. Imajen Tatoli/António Gonçalves

LIQUIÇA, 03 maiu 2021 (TATOLI) – Xefe Suku Maubara Lisa, Postu Administrativu Maubara, Munisipiu Liquiça, Rui Manuel, hateten maioria komunidade iha suku ne’ebé nia lidera kumpre protokolu  saúde públiku hodi prevene an hosi propagasaun Covid-19.

“Hanesan autoridade lokál ami sempre fó aviza no halo sosializasaun beibeik ba komunidade hodi kumpre ba protokolu saúde públiku kona-ba luta kontra Covid-19 maka hanesan fase-liman beibeik ho sabaun, uza máskara,  distánsia sosiál no seluk tan,” Xefe Suku Rui Manuel hateten ba Agência Tatoli iha Maubara, segunda ne’e.

Nia dehan, agora daudaun laiha ema ilegál tama iha nia suku tanba liña koordenasaun entre komunidade ho Xefe Suku la’o di’ak tebes.

“Iha ne’e ema oin foun la tama arbiru. Ita tenke kumpre saida mak Governu hasai ona hodi salva ita hosi moras at ne’e. Regra hotu ita tenke halo tuir, ita tenke obedese ba Governu,” nia hateten.

Nia mós rekoñese relasiona ho Serka Sanitária no Estadu Emerjénsia halo komunidade barak difisil atu hetan ai-han no rendimentu negósiu.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here