Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 03 maiu 2021 (TATOLI) – Prosesu verifikasaun dadus iha territóriu Timor laran ba estudante finalista ensinu sekundáriu hosi família kbiit laek ne’ebé atu sai benefisiáriu bolsa estudu iha rejime hakbiit purvolta 910. Alvu Ministériu Ensinu Superior Siénsia no Kultura  (MESSK) nian to’o 2023 tenke atinje meta purvolta 3.000 estudante rejime hakbiit mak asesu iha instituisaun ensinu superiór privadu-sira.

Ministru Ensinu Superior Siénsia no Kultura (MESSK), Longuinhos dos Santos, hateten desizaun Governu nian bá tinan ida ne’e kontinua mantein ho númeru fisku ne’ebé fó sai ona purvolta 910 benefisiáriu bolsa estudu ba rejime hakbiit. Ne’ebé prosesu hotu hein de’it aprezentasaun relatóriu hosi Fundus Dezenvolvimentu Kapitál Umanu (FDCH).

“Ita iha ona programa ida hanaran rejime hakbiit, programa ne’e foun foin mak ita hamosu iha tinan ida ne’e. Programa ne’e, ita foku liu-ba estudante finalista ensinu sekundáriu sira ne’ebé mai hosi família kbiit-laek atu sira mós bele asesu bá universidade privadu sira,”  Ministru Longuinhos dos Santos esplika ba Agência Tatoli iha nia servisu fatin, Dili, segunda ne’e.

Ministru Longuinhos afirma katak prosesu  levantamentu no verifikasaun dadus ba estudante finalista ensinu sekundáriu iha Munisípiu 12 inklui RAEOA atu sai benefisiáriu hodi hetan bolsa estudu iha rejime hakbiit hodi asesu ba universidade ka instituisaun ensinu superiór privadu antes ne’e hala’o tiha ona, maibé mosu desizaun Konsellu Ministru hodi implementa medias serka sanitária entaun prosesu hotu sai paradu.

“Ha’u fiar prosesu hotu la’o di’ak hela tanba ita halo hela koordenasaun ne’ebé hein de’it ninia finalidade hosi verifikasaun dadus sira ne’e,” Ministru Longuinhos hateten.

Jornalista       : Tomé Amado

Editór             : Francisco Simões

 

 

HAKEREK NO HATÁN

Please enter your comment!
Please enter your name here