komunidde sira iha lagoa Tasi-Tolu obrigdu hela iha tenda tanba sira-nia uma sei nakonu ho bee. kinta 22 abríl 2021.Imajen Tatoli/Antonio Gonclves

DILI, 01 maiu 2021 (TATOLI) – Família uma-kain 100-resin ne’ebé dezloka ba  iha bairru Besi-Tua, João Paulo II, deklara fila bá ida-idak nia uma tanba hakarak prevene an hosi pandemia COVID-10 ne’ebé daudaun ne’e transmisaun komunitária ona.

Portavós, Joanico Sebastião da Costa, hateten sira deside fila ba ida-idak ninia fatin tanba hakarak kumpre desizaun konfinamentu obrigatóriu ne’ebé Governu fó sai ona.

 “Ami agradese ba governu tanba durante ne’e apoiu fasilidade Estadu nian ba  ami hodi hamaha-an. Maibé ami deklara ba públiku atu Governu bele hatene katak hahú ohin ba oin, ami sei fila ba idak-idak nia hela fatin. ami hakarak prevene an hosi COVID-19 ne’ebé tama ona ba transmisaun komunitária,” Joanico Sebastião da Costa, hateten liuhosi  konferénsia imprensa iha bairru Besi-Tua, Tasi-Tolu, Dili, sábadu ne’e.

Nia esplika katak desizaun  konfinamentu obrigatóriu ne’ebé Governu deklara, fó oportunidade ba sira atu foti pozisaun, kontinua hela ka fila ba uma. Nune’e, uma kain 100-resin hela iha bairru Besi-Tua deside fila ba uma.

Jornalista            : Tomé Amado

Editór                 : Francisco Simões

HAKEREK NO HATÁN

Please enter your comment!
Please enter your name here