Kondisaun Sentru Izolamentu Ospitál Lahane, tersa (02/03). Imajen Tatoli/António Gonçalves.

DILI, 29 abríl 2021 (TATOLI)–Ministra Saúde (MS), Odete Maria Freitas Belo, halo aprezentasaun iha Konsellu Ministru kona-ba reabilitasaun no konstrui Hospital Nasional Guido Valadares (HNGV) no Ospitál António Carvalho, Lahane, Dili.

“Reabilitasaun no rekonstrusaun ba ospitál rua ne’e sei realiza ho forma fazeada durante tinan 10, ho objetivu atu hadi’a kondisaun tratamentu no hasa’e kapasidade atendimentu nian,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu, kinta ne’e.

Portavós Governu ne’e dehan, ohin foin iha faze aprezentasaun no MS sei lori hikas dokumentu relevante atu halo aprezentasaun iha reuniaun KM tuir mai hodi hetan aprovasaun.

Antes ne’e, Governu halo ona reabilitasaun ba Ospitál Lahane, maibé parte leten ospitál seidauk reabilita. Parte leten Ospitál Lahane, tuir planu atu transfere moras kontájiu hosi HNGV ba fatin ne’e, tanba ospitál nasionál daudaun ne’e ladún iha ona espasu.

Antigu Enfermaria Pediatria ne’e, reabilita husi kompañia Hedge Construction Unipessoal Lda. iha maiu 2020 ho fundu COVID-19 ho kustu hamutuk $450.153,32.

Daudaun ne’e progresu reabilitassun fíziku hotu ona inklui monta hotu ona osijéniu paralelu ba kada sala, ar kondisionáriu (AC), instalasaun eletrisidade internu inklui ahi sira, enkuantu sei falta mak jardín, koneksaun ba liña eletrisidade no moru hale’u.

Jornalista: Antónia Gusmão

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here