Eis Prezidente Republika, José Manuel Ramos Horta. Imajen/Antonio Goncalves.

DILI, 28 abríl 2021 (TATOLI)—VIII Governu Konstitusionál iha seriedade ba polítika halo prevensaun ba surtu COVID-19 maibé buat ne’ebé sai kestaun ne’e mak Governu nia efikásia no efisiénsia hodi ezekuta tuir desizaun hosi Konsellu Ministru.

Notísia Relevante: Ramos Horta husu populasaun kontribui ba prevensaun COVID-19

“Ha’u la kestiona Governu nia seriedade ba prevensaun COVID-19 maibé ha’u kestiona Governu nia efikásia no efisiénsia atu ezekuta desizaun ne’ebé mai duni hosi Konsellu Ministru. Ha’u lahatene blokeamente akontese iha Ministériu ida-ne’ebé, maibé ha’u rasik hateten beibeik ba Primeiru-Ministru Taur Matan Ruak katak situasaun ita-nia atuál ne’e (COVID-19), ita bele hateten ekivalente ho situasaun de Guerra (funu),” Eis Prezidente Repúblika no Laureadu Prémio Nobel da Paz, José Manuél Ramos Horta hateten iha konferénsia imprensa, iha Faról, Dili, kuarta ne’e.

Governu, nia hatutan, presiza halo polítika inklui polítika ekonómia tanba Timor-Leste hanesan iha funu laran ida no iha Estadu Emerjénsia (EE) ne’e, Governu laiha autoridade para fó aan hanesan kaer osan, entaun di’akliu kria fundu ida boot no halo mekanizmu tau osan hosi biliaun $2-$3 ne’ebé hahú hosi tinan 2020-2023.

Ho ida-ne’e, Governu iha kapasidade bele implementa ba prevensaun COVID-19 no kestaun saúde públika, emerjénsia no rekuperasaun ekonómiku. Ida-ne’e siginifika Governu bele ajuda ema ki’ak, empreza, otél sira no karpintária ne’ebé mak fó servisu ba ema.

“Tanba, se ita la ajuda sira, envez ita iha empregadu rihun 10 entaun ita tenke ajuda osan rihun $100 para ema servisu nafatin. Nune’e, orsamentu ida tulun Estadu ba programa Cesta Bázika ne’e, la presiza tanba sira iha kresimentu,” nia dehan.

Tuir nia, di’akliu ne’ebé urjente ne’e Governu fó responsabilidade ba Ajénsia United Nations Development Programme (UNDP) mak haree no ezekuta tuir planu Governu nian ne’ebé iha.

“Ita entrega osan ba sira no mobiliza Timor-oan, ONG sira maibé koordenasaun maihosi Ministériu no sistema Nasaun Unida nian, ho nune’e ha’u hanoin buat ne’e bele la’o duni,” nia dehan.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here