Prezidente Autoridade munisípiu Ermera, José Martinho dos Santos Soares. Imajen Tatoli/Egas Cristovão

DILI, 27 abríl 2021 (TATOLI)-Prezidente Auotirdade Munisípiu Ermera, José Martinho do Santos Soares, hateten ezekusaun Orsamentu Jerál Estadu (OJE) 2021 ba Munisípiu Ermera montante $5.021,993  foin atinje 23,98%.

Notísia Relevante : OJE 2021, Munisípiu Liquiça ezekuta ona 16%

“Ezekusaun OJE 2021 ne’ebé alokadu mai Munisípiu Ermera hamutuk $5.021,993, ami foin ezekuta 23,98%, hahú hosi saláriu vensimentu, transferénsia servisu no bens servisu,” José Martinho do Santos Soares, informa ba Agência Tatoli, liuhosi telefónika, tersa ne’e.

Nia hatutan, OJE 2021 ne’ebé ezekuta ona quarter primeiru (Q1) 23,98% mak hanesan, trimester dahuluk persentajen boot liu mak iha rejistu notariadu identifikasaun sivíl 57,24%, merenda eskolár 50.21%, Admirasaun jerál servisu iha agrikultura nian 31%, no lideransa komunitária sira subsídiu lideransa komunitária no administrasaun suku hamutuk 33%.

Nia dehan, kona-ba kapitál menór foin daudaun orsamentu 2021 ne’e aloka $100.000, atu sosa materiál-sira hanesan, armáriu, meza, kadeira, no motor tau iha munisípiu, maibé seidauk ezekuta tanba sei hein hela orientasaun hosi Ministériu Finansa.

Kona-ba kapitál dezenvolvimentu, nia dehan, foin daudaun ne’e orsamentu retifikasaun redusaun osan ba munisípiu ne’e maka’as loos ko’a to’o 40% ne’ebé agora seidauk bele ezekuta tanba orsamentu ninia disponibilidade ne’e seidauk la’o loos.

Nia afirma, durante sira ezekuta OJE 2021 iha Munisípiu Ermera, rezultadu implementasaun sira la’o, maibé difikuldade ne’ebé sira enfrenta mak Ermera agora situasaun serka sanitária, besik semana tolu ona no Estadu Emerjénsia, hodi impede sira hosi munisípiu mai Dili halo atividade kona-ba programa ezekusaun orsamentu presiza konsulta ho Ministériu Finansa.

“Entaun Solusaun provizoriamente ne’ebé ita halo mak esforsu halo kontaktu liuhosi telefone, E-mail, WhatsApp ba Nasionál relasiona ezekusaun OJE 2021,”  nia hateten.

Jornalista   : Arminda Fonseca 

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here