Prezidente Konsellu Executivo INCT, José Cornelio Guterres. Tatoli/ Egas Cristóvão

DILI, 27 abríl 2021 (TATOLI) – Institutu Nasionál Siénsia Teknolojia (INCT) durante primeiru semestrál hahú hosi janeiru to’o marsu, ezekuta nia  orsamentu jerál estadu 2021 foin atinje 25%.

Prezidente INCT, José Cornelio Guterres, informa hosi orsamentu rihun $500-resin ne’ebé aloka ba INCTL foin ezekuta 25%.

“Ba segundu semestrál nian, ami iha planu barak liu iha area peskiza, diskusaun no rekrutamentu. Ami iha orsamentu purvolta rihun $100- resin, ne’ebé ami nia esforsa tenke atinje ezekusaun ne’e to’o 50% iha segundu semestrál,” José Cornelio Guterres, informa ba Agência Tatoli, tersa ne’e, iha nia servisu fatin, Dili.

José Cornelio afirma katak planu ne’ebé mak sira halo ona iha ezekusaun daruak ne’e maka sei foka liu ba diskusaun virtuál tanba aprezentasaun sira bele online para partisipante sira bele mós akompaña. Nune’e mós ko’alia kona-bá planu rekrutamentu ba funsionáriu na’in-neen (6) ne’ebé planeia ona iha 2020 to’o agora sei iha hela prosesu nia laran.

Nia akresenta katak INCT sei tenta fali hodi halo hela negosiasaun ho Komisaun Funsaun Públiku atu hetan rezultadu ruma kona ba prosesu rekrutamentu ba funsionáriu na’in-neen ne’ebé tinan hitu ona kontribui bá INCT.

Jornalista       : Tomé Amado

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here