Ekipa saúde Munisípiu Ermera evakua pasiente pozitivu COVID-19 iha Ermera. Imajen/Dok.Espesiál

DILI, 20 abríl 2020 (TATOLI)-Servisu Saúde Munisípiu Ermera identifika pasiente pozitivu COVID-19 na’in-24 lakohi koopera ba izolamentu no balun lakon kontaktu tanba troka ona númeru telefone.

Diretór Servisu Saúde Munisípiu Ermera, António de Deus Fátima, informa, rezultadu teste swab ba abitante sira ne’ebé halo viajen ilegál hosi Dili ba Ermera iha loron 01 to’o loron 09 abríl ne’e, hatudu ema na’in-40 maka pozitivu  COVID-19.

Notísia Relevante : Pasiente COVID-19 hakanek médiku ida iha kuarentena Polo

Hosi númeru ne’e, António de Deus Fátima hateten, na’in-16 maka kumpre ona medida prevensaun COVID-19 nian iha izolamentu no na’in-16 la koopera atu ba izolamentu, na’in-lima seluk troka númeru telefone no lakon kontaktu no sira-seluk  dezvia an nonook de’it.

“Hosi loron 17 abríl ne’e, ema na’in-16 maka tama ona izolamentu iha Gleno, maibé na’in-24 seluk lakohi koopera tama izolamentu Gleno,” Diretór Servisu Saúde Munisípiu Ermera, António de Deus Fátima, informa ba Agência TATOLI liuhosi telefónika, tersa ne’e.

Nia hatutan, ba pasiente pozitivu COVID-19 ne’ebé daudaun ne’e lakohi tama sala izolamentu Gleno ho razaun, rezultadu teste swab ne’e sai tarde, no dehan moras COVID-19 ne’e bosok. Nune’e, na’in-lima seluk ne’ebé lakon kontaktu ne’e hafoin sira rona rezultadu, halai bainhira parte saúde atu ba foti sira.

Notísia Relevante : COVID-19: kazu foun 62, rekoperadu 30 no ativu 673

Nia informa, daudaun ne’e parte saúde Munisípiu Ermera liuliu ekipa task force munisípiu nian, ne’ebé involve hosi autoridade Munisípiu no PNTL Munisípiu nian, tun ba terrenu esplika ba abitante-sira liuliu ba sira ne’ebé pozitivu COVID-19 atu bele kolabora tanba virus COVID-19 ne’e impaktu boot ba ema-nia moris.

“Entaun maneira seluk ne’ebé ami uza mak sira lakohi mai tama izolamentu ami fó hatene ba sira katak bele halo auto-kuarentena, maibé fila fali ida-idak nia konsiénsia tanba barak mak la fiar COVID-19 ne’e no lakohi koopera ho parte saúde,” nia hateten.

Hosi parte saúde hakarak apela ba abitante sira katak sira ne’ebé pozitivu tenke koopera ho saúde tama izolamentu atu bele kombate COVID-19 ne’e, tanba pozitivu COVID-19 mak hela iha uma di’ak, maibé fó transmisaun tan virus ne’e ba família ne’ebé hela iha uma.

Nia informa, ba pasiente pozitivu COVID-19 ne’ebé tama ona izolamentu no sira ne’ebé la tama izolamentu daudaun ne’e parte saúde esforsu nafatin halo ona teste swab ba pasiente pozitivu COVID-19 nia família hotu, ne’ebé hein de’it rezultadu pozitivu ka negativu.

Jornalista       : Arminda Fonseca

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here