Aviaun Malindo Airway. Imajen/Espesiál

DILI, 17 abril 2021 (TATOLI)–Aviaun Malindo Airways ho marka SDN BHD, aban, sei halo voo hosi Malázia mai Dili hodi tula pasajeiru timor-oan na’in-71 ne’ebé daudaun ne’e hela iha Malázia.

Tuir karta lisensa voo aviuan nian (Fligth Approval) hosi Autoridade Aviasaun Sivil Timor-Leste (AACTL, sigla portugés) haktuir, aviaun ne’e aluga (charter) hosi timor-oan balun hodi halo voo hosi Malázia mai Timor-Leste.

“Aviaun ne’e halo voo hosi Malázia mai Dili sei tula pasajeiru timor-oan nain-71,” refere Flight Approval ne’ebé Agência Tatoli asesu hosi parte Autoridade Aviasaun Sivil Timor-Leste (sigla portugés AACTL), sábadu ne’e.

Entertantu, aviaun ne’e tuir karta lisensa voo aviaun nian (Fligth Approval) ne’e, aviaun ne’e sei tun iha Aeroportu Internasionál Nicolau Lobato, Dili, aban (domingu, 18/04) iha tuku 08:000 dadeersan.

Jornalista: Natalino Costa

Editór: Cancio Ximenes    

PUBLISIDADEiklan

HAKEREK NO HATÁN

Please enter your comment!
Please enter your name here